4月 final review 臨近... 從來都冇諗過 未去過美國之前 竟然去咗歐洲先 一直認為會去美國ge機會大d 歐洲? 呢一世人去到一次就算偷笑lu 點知就係百忙之中 友人一個善意邀請 將哩個屹立不倒廿幾年的心動搖了 從來都冇諗過 去旅行只跟朋友去 離開屋企人自己外遊 一直都係跟屋企人拖喼去旅行 例外ge就只有跟學校去東京北京那兩次 點知今次丟低屋企人backpack去歐洲 一去就去足成個月 4月尾 5月啦!... 突如其來的衝擊令我瞬時措手不及 當時連功課上的問題都未解決 習慣同屋企上上下下討論 提出我ge顧慮之餘 又要顯得我有d想去 =P 就係咁比多咗近$2000 好在有李auntie我先可以同朋友仔搭埋同一班機 終於黎到最後一個deadline 距離出發日仲有唔夠一個星期 哩個星期極其重要 因為我就只有哩個星期去prep一個月ge行程..! 其實就唔係得行程咁簡單 仲有booking, shopping, changing, 同埋packing(bag+studio!!)... 最後仲要殺多個H1N1 差d就令歐洲之旅胎死腹中 7日168個鐘 唔訓覺都要準備晒所有野 務求黎緊一個月玩得盡興! 多得大家ge奮鬥 所有火車, 飛機, 住宿都及時book齊 揀hostel認真唔簡單咖原來 要有位, 房間分得好, 地點交通好, 價錢好, 有wi-fi 免費好, 早餐包埋好, 有laundry kitchen更好, 仲要comments好!! 訂內陸機票 齋望個價都已經嚇死人 票價飄忽 突然一個 EUR 0 心血少d都唔掂 當然最後連附加就唔只呢個價 不過都算係咁 同火車個價有得比 5月14日夜晚... 係屋企同屋企人好好食真"最後一餐"住家飯 背起重包 手指一個撥弦動作 作別將分隔1個月的父母 離開時不帶走半條花毛 不捨之情湧上心頭 一想起媽幫我執野同double-check 就好想同埋佢一齊去... 不過一到機場 HK所有的人同事都好似已經遺留咗係機場巴士上 個個身穿中大建築camptee 前面一座座ge包山 不忘影番張出征前照 幾意外ge係Nancy都係哩晚飛去首爾 跟團都有半夜機去南韓 真係難得 就係咁 歐洲之旅開始lu : 倫敦--巴黎--巴塞隆納--華倫西亞--馬德里--米蘭--威尼斯- -佛羅倫斯--席耶納--羅馬--梵蒂岡--日內瓦--洛桑--因特拉肯--陸森--蘇黎世--柏林--倫敦 一個月遊6個國家 其實都幾貪心下 渣盡近乎所有時間 去盡所有出名ge地方 13個鐘後 仲係5月14日朝早未到6點... 第一站倫敦 第一次踏足歐洲 第一個感覺就係爽: 空氣爽 天氣爽 周圍冇句中文 周圍都係綠色 最有力ge生理反應理據 就係我頑固ge鼻 原來我將鼻敏感都留低咗係香港 =P 好似大鄉里出城咁 去到邊嘩到邊 見到咩都歎餐飽 影餐飽 一個公園都竟然可以chur菲林 雖然個天時晴時陰 不過十令廿度ge天氣真係好舒服 有時仲有d凍tim 博物館要好似翻生朱羅館先似樣咖嘛 一條恐龍骨橫行古大廳之中 太酷了 大苯鐘同西敏寺黑金ge宏偉 隔離仲係泰河 係外面影相就心足lu 食咗餐英式麥記 唔係想像中咁大 意料之外咁貴 就從呢一刻開始對金錢麻木 聽小智講先知 Nelson個square同國家畫廊ge配合原來係咁美妙 估唔到第2日就要趕車 搭Eurostar橫渡英法海峽去巴黎! 抵步12點幾... 5月15日 第二站巴黎 唔係 要扣時區 11點幾ze... 不過身處黑夜巴黎 alert-mode首度啟動 唔駛買飛搭metro? 全城票機down晒就係咁簡單... 爛罇+爛牆+酒臭+尿騷=感覺最差metro 去到hostel第一件事同"Eymen"玩現實版RPG 最後調咗去間靚靚酒店訓咗晚 小插曲琪琪鬧撞鬼=P 間酒店真係幾正 地窖一個食廳連廚房 比我地7隻小鬼任玩任用 杯麵即沖包先有用武之地 不過只得一晚 返去面對Eymen 然後坐雙層火車去巴黎市郊 入凡爾賽宮! 大而華麗 不過講真 驚喜唔多 仲要係風吹雨打下排咗1-2個鐘先入得去... 宮後一個廣闊庭林花園相信先係戲肉 不過落雨 唯有將行程改做搵食... 最後都係M記最就腳 誤打誤撞入咗樹下賣物大道 比我地見到olivetti打字機 盡頭一個迷你旋轉木馬 好有格調 返市區一上地面 赤裸裸ge巴黎鐵塔就係眼前 原來佢唔係黑色 而係健康膚色! 真係要企係佢腳下先感受到佢有幾高 結構有幾複雜 線條有幾性感 搭極速升降機上到二樓 巴黎唔係屬於你一個咖 要同人迫先有機會擁有 分兩路降落 同格蘭海倫穿梭於星戰之中重返大地 連累4人失落於巴黎鐵塔下 萬分歉意 如果唔係親身黎到 我都唔知原來個水晶金字塔只係個入口廣場... 羅浮宮同尋日個凡爾賽宮真係差天共地 space靚 畫靚 sculpture靚 齋睇裡面個space同裝潢都已經值回票價 何況仲有名畫一籮籮 地底中古羅浮遺蹟簡直係credit! (個個問我覺得lisa點樣 係咪你走到邊佢望到你邊 我想: 幅畫重點在構圖同自畫猜想吧...) 由開館行到關館 由美索不達米亞古文明睇到19世紀法國油畫 一日冇可能睇得晒 "do you speak English?" 竟然上了吉普賽女人的當 愚蠢! 奈何給水晶塔迷燻了意志... 一條康莊大道將遠處一似曾相識的美建築框著 冇錯 謝堃樂 係你ge Opera Garnier! 專程去附近ge Bibliotheque Nationale 參觀 Labrouste個廳 點知冇開之餘搞到外牆咁核突 失望... 唔得 搵番間中餐館中和一下先! 呀姨ge飯真係唔錯 服務好 餐前湯飯後果 仲有哥哥把聲! 河中三角洲上 屹立一幢哥德式教堂 外牆上的雕刻, 尖塔, 飛樑 令人驚嘆 神父居然比我地入去參觀 步入一刻瞳孔不及適應過來 待視力恢復過來 自己已經比複雜華麗ge玫瑰窗同肋拱式穹頂重重包圍 沿著nave兩旁ge aisles繞室內一周 一個個stained glass window好似要將聖經故事讓陽光照出來 "畫家"們坐低執筆sketch起來 見到個女人 問神父 "Qui est-elle?" "Elle est notre Dame." 原來係聖母 Musee d'Orsay原來星期一唔開 唯有改去Centre Pompidou! 前面一個內斜廣場真係幾正 近睇先知原來d structural elements係完全地超越 human scale! 大到唔能夠相信 =P 將circulation搬晒出外面係幾特別 不過比玻璃包住 裡面其實幾焗下... 天冷就唔怕ge 同小智行咗2個鐘畫廊 剩低1個鐘有咩做? 好在地面有souvenir同bookshop 有著落! 一直都有個疑問 凱旋門係個roundabout 要行埋去應該唔容易 不過我諗漏咗一樣野 穿過隧道咪得lor 仲可以入埋裡面 上佢個頂度 不過要比錢啦 幾貴下... 直穿歷史軸心 東面一條Champs-Elysees與Louvre相連 西面ge新凱旋門剛好將夕陽框著 7個雄心壯志ge青年就係咁決定要向夕陽進發 不過行咗唔夠1/3路程就要搵metro 雖然話太陽啱啱落山 不過其實已經9點幾10點 仲係唔識路得張冇metro站ge街道圖 其實係有目標ge 最後好彩都比我地搵到 就係Guimard ge Metropolitain系列ge蜻蜓型 AH! 有冇提過我地hostel個metro站蓋居然就係Metropolitain系列ge紅燈型? 爭一款就集齊一套啦! 巴黎ge最後一日 都幾唔捨得咖 因為字同說話都係法文 聽同睇都明明地 感覺良好 黎到墳場 見識下西方ge墓地 真係令人大開眼界 佩服佢地為逝世ge親人所建造的一切 一個石蓋 一塊墓碑 一尊雕塑 甚至一間墓舍 每件事都經過精心ge考慮同設計 使精神永存 蕭邦ge墓看過 一名作家, 滿佈唇印ge墓都看過 連相信係全世界最大ge蚊群也穿過了... 上蒙馬特的山 山前一條雄偉ge樓梯同草地緩緩直上 聖心堂正安穩坐係山頂上高 好似朝聖咁 每上一層 望遠一籌 中間一片綠波斜度恰到好處 躺下尚可窺探整個巴黎市貌 未走上教堂前大梯已隱約聽到澎湃ge音樂 應該話係賣藝者對音樂ge熱情澎湃! 歌聲與旋律交織起來 為教堂周圍的空氣 錯覺上甚至整個巴黎 都加添了藝術與浪漫氣息 坐係教堂的石階上 突然奏起Imagine這首歌 那聲線和弦 將每一個聽眾ge心都打動了 下山後找<天使愛美麗>那間Cafe des Deux Moulins食出名ge焦糖布丁 好食到難以形容..! 一幕美女捕鴿令琪琪留下唯一對巴黎ge好印象 =P 最後比我地撞埋 M系列ge籐冠型! 簡直係完美! 走過紅磨坊 路過性博物館 返宿舍圍坐回憶倫敦巴黎ge有趣經歷 然後au revoir執野走人 做好心理準備通頂 因為要坐night train去巴塞! 唔係因為有間房玩 而係要捱硬坐... ...待續 | 
